Des samma

Über uns

Da Bene

Posaune

Benedikt Kapfhammer is a 96er Johrgang und in Wiessee/Tegernsee dahoam. Spuin duad da Bene ois mögliche: Ziach, Flügelhorn, bissl Kontrabass; oba haupsächlich spuid er Ventilposaun. Ned nur in da Freizeit hod er mit da Musi zum doa, sondern ah hauptberuflich. Do is er nämlich beim Ziach Kaiser in Nicklasreuth ohgsteid und derf seiner Tätigkeit ois Ziachbauer (und a diam ois Schreiner) noch geh. Wenns de Zeit no hergibt, dann is er in seiner Freizeit gern unterwegs beim Berg geh, Motorradl fahrn, Furt geh, oder einfach ah gern amoi dahoam.

Quirin Kapfhammer is a 95er Johrgang und somit unser ältestes Stammesmitglied. Gebürtig is er in Tegernsee (Stadt) dahoam. Aktuell hods´n aba, der Liebe wegen, in de Richtung der Kreisstadt verschlong; im Herzen aba isa oibe no a Tegernseer. Da Quirin übernimmt mit seiner Gitarre den Teil der Begleitung und sorgt für ein ausgeglichenes Tempo und Takt in da Musi. Wenn da Quirin ned mit uns unterwegs is, dann ko ma eam so auf manchem Doch dreffn: ois Zimmerer. In seiner Freizeit is da Quirin immer sehr ausgelastet, weil ma so an super Typen wia eam einfach übaoi bracha konn. Egal, ob beim Haus umreißn, Hoizarbeiten oder beim Langlauf-Skilehrern – auf‘n Quirin is Verlass. Wiedererkennungsmerkmal: sei gachdada Schnauzer.

Da Quirin

Gitarre

Marinus Hampel is a 2000 Johrgang und in Rottach-Egern (Ellmösel) dahoam. Allerdings isa unter der Woch bei uns selten oh zum dreffen, weil sei Typ do in Niederbayern verlangt wird. Da Marini hod si entschlossen, sei Instrument ned nur zum spuin, sondern ah selber zum bauen. Desweng lernt er beim Haglmo in Niederbayern des Ziachbauer-Handwerk (des Johr werd er fertig). In unsere Kreise is da Marini ois brutaler Musikant bekannt; ned nur an der Ziach is der Knabe eine Legende, sondern ah an der Posaune. Ah andere Instrumente hod er no im Petto so wia (Kontra)Gitarre, Tuba,… . In seiner Freizeit duad er am Liabstn Musimacha, Noten setzn, Stickl schreim, Kampfsaufen und leidenschaftlich gern ausschlaffen. In unserer Musi übernimmt er verschiedene Aufgaben: ois Begleiter und Hauptstimmführender und is bei jedem Auftritt immer voi dabei.

Da Marini

Ziach

Christoph Buchner is a 98er Johrgang und im „Unterland“ Feilnbach dahoam. Zurzeit is der glernde Zimmerer in da Moasta- und Technikerschui in Minga unterwegs, oba so bissal Baustei lasst er si trotzdem ned nehma. Bei uns übernimmt er mit seim Flügelhorn de 2. Stimme in der Melodie. Ned nur musikalisch bringt er sich ei bei uns. Wenns irgenwos zum doa/organisiern gibt, is da Christoph meistns ah ned weid. Seine Hobbys san sehr vielfältig (Berg geh, (Motor)radl fohn, Skitourn geh) wie er seiba ah. Drum schafft er´s ah immer wieder für wahnsinnig lustige Momente zum sorng.

Da Christoph

Flügelhorn

Jakob Hampel is a 97er Johrgang und in Wall dahoam. Da Jakob spuid bei uns as 1. Flügelhorn und is somit der Kopf der ganzen Truppe. Von Noten setzen über Probenraum zur Verfügung stellen bis hin zu eigene Stückl schreim - der Jagge nimmt si jedem Problem mit großer Ausdauer, Ehrgeiz und Perfektion oh. Ned nur am Flügelhorn is er a sehr gefragter Musikant, sondern ah an der Melodie-Gitarre, welche er mit Perfektion beherrscht. Wenn er si moi grod ned der Musi widmet, dann is er im elterlichen Betrieb ois Spengler (grod zum Moaster) oh zum dreffn. Seine Hobbys außer Musi san: Berg geh mim Benz spaziern fohn und mit großer Freid bis in de Morgenstunden Furtgeh

Da Jakob

Flügelhorn

Leonhard Hagn (Schlemmä) is a 01er Johrgang, somit unser Jüngling in da Truppe. Dahoam is er in Kreuth Downtown und beruflich is da Hardl glernder Kunstschmied, duad si allerdings grod ois Feinwerkmechaniker weiterbilden. Bei uns in da Musi übernimmt er mit seim Kontrabass den tiefen Teil der Begleitung. Musikalisch is da Schlemmä echt a Schau. Außerdem hod er no a zartes Händchen für sei Zitherl. Aber ned nur musikalisch bringt sich da Leonhard ei bei uns, sondern a organisatorisch. Als unser Terminmanager is er der erste Ansprechpartner für eich für jede Art von Spuiarei-Anfragen. Wenn er grod ned mit uns on tour is, dann is er in seiner Freizeit meist mit Trachtler, Schnoizer oder einfach so beim Furt geh unterwegs.

Da Hardl

Bassgeing